قصيده لافلاطون الشعر (( علوش))

[مراسل الغمده]

قصيدة رائعة لأفلاطون الشعر سعد علوش بـ عنوان ( في فن علم النفس )



في فن علم النفس وانماط الحياه
مصيبتك طلّع وراها فايده ..



لاينتثر فكرك على كذا اتجاه
الخصخصه فن العقول الرايده ..



وان ساد من حولك شعور الاشتباه
خذ لشعورك منطقه محايده ..



الثقه سقف العقل والناقص ذكاه
من حسسك بأن فيه حاجه زايده ..



والابداع ؟ ماهو لعب شد الانتباه
على حساب الغاء فكره سايده ..



والضيق ضيق الافق واكظام الشفاه
وفهم الحياه على انها مزايده ..



افضل وسيله للسعاده والنجاه
سهله على الراغب ولا هي كايده ..



توحد الله صدق وتقيم الصلاه
وجعل الفواحش عن حدودك نايده ..



وتكف يدك وتحمد الله على غناه
وتخشّر هنودك معك في المايده ..



ولاتخاوي لاشيوخ ولا رعاه
خاو اصدقاء تفكيرك وفرايده ..



والشيخ من تواضعه يسبق عطاه
يتعودون الناس من عوايده ..



والحب ذروة كل شي و منتهاه
ومحلا من وضوحه سوى مكايده



يبكي الرجال و يبيّح خفاه
ويعلمه شرح الحظوظ البايده ..



واللي يحب احدٍ ماهو في مستواه
يبطي وعينه بالمدامع جايده ..



ياوجد حال الشاعر ويا امه واباه
وجود من هاوش لاخوه و صايده ..



اللي اتمنى اعيش واتوفى معاه
حتى فـ عيده ماقدرت اعايده ..



الحزن طاقه للدعاة و للطغاه
وانا طلعت من الجروح بفايده ..



ان لم تزد شيئا ً على هذه الحياه
فــ تأكد انت حاجه زايده ..


تحياتي !